დღეს სამტრედიის მუნიციპალიტეტის მერი ვალერი ფოცხვერია , მოადგილე დავით ბახტაძე , საკრებულოს თავჯდომარის მოადგილე კობა ძიძიგური და ადგილობრივი ხელისუფლების წარმომადგენლები მუნიციპალიტეტში მცხოვრებ უხუცეს ადამიანებს, ომის ვეტერანებსა და მრავალშვილიან ოჯახებს ესტუმრნენ და მათ სასურსათო ამანათი და ფულადი ჯილდო პირადად გადასცეს

   გომის , მელაურისა და ნაბაკევის თემში მცხოვრებ ომის ვეტერანებს ხელისუფლების წარმომადგენლებმა ტკბილეული და ფულადი ჯილდო 600 ლარის სახით გადასცეს.

   კულაშის თემში მცხოვრებ ყუბანეიშვილების მრავალშვილიან ოჯახს და ლაშა თევზაძის ქუჩაზე მცხოვრებ ნადირაძეების მრავალშვილიან ოჯახს სასურსათო ამანათის გარდა მერიისგან საჩუქრად საყოფაცხოვრებო ტექნიკა ერგოთ.

   როგირც მუნიციპალიტეტის მერმა აღნიშნა : 2019 წელს სოციალური პროგრამით მსგავსი ტიპის ოჯახებზე მილიონზე მეტი ლარი დაიხარჯა და მსგავსი აქცია მომავალშიც გაგრძელდება.

   მადლიერმა ოჯახებმა ხელისუფლების წარმომადგენლებს მადლობა გადაუხადეს აღნიშნული ინიციატივისათვის.