დღეს სამტრედიის მუნიციპალიტეტის მერიაში ტრადიციული თათბირი გაიმართა , რომელსაც საკრებულოს წევრები , სოფლის წარმომადგენლები , მერიისა და ააიპ სამსახურის წარმომადგენლები ესწრებოდნენ.

   თათბირს მუნიციპალიტეტის მერი ვალერი ფოცხვერია უძღვებოდა.

   მერმა საუბარი 2019 წელს განხორციელებულ ინფრასტრუქტურულ , სოციალურ თუ კულტურულ პროექტებზე დაიწყო და ყველა პროექტის განხორციელებისათვის პასუხისმგებელ პირებს მადლობა გადაუხადა.

   მეორე საკითხი კი 2020 წელს სოფლის მხარდაჭერით განსახორციელებელ პროექტებს ეხებოდა. მერმა სოფლის წარმომადგენლებს დაავალა მოსახლეობასთან ერთად ის პრიორიტეტები წარადგინონ , რომელიც კონკრეტული სოფლისთვის მნიშვნელოვან პრობლემადაა ქცეული.

   მერმა თითოეული სამსახურის წარმომადგენელს მადლობა გადაუხადა 2019 წელს თავიანთი სამსახურეობრივი მოვალეობის კეთილსინდისიერად განხორციელებისათვის.