დღეს მუნიციპალიტეტის საკრებულოში რიგგარეშე სხდომა გაიმართა, რომელსაც საკრებულოს თავმჯდომარე ნუგზარ ჯამბურია უძღვებოდა.

   დღის წესრიგით მხოლოდ ერთი საკითხი იყო წარმოდგენილი, რომელიც რეგიონებში განსახორციელებელი პროექტების ფონდიდან, სამტრედიის მუნიციპალიტეტის 2018-2021 წლების სამოქმედო პროგრამის ცვლილებას ეხებოდა.

   ინფრასტრუქტურის საკითხთა კომისიის თავმჯდომარემ, მერაბ უღრელიძემ, საკანონმდებლო ორგანოს წარმომადგენლებს ყველა წარმოდგენილ პროექტზე დეტალური განმარტება შესთავაზა. ✅სულ 2021 წელს განსახორციელებელი ინფრასტრუქტურული პროექტებისთვის 4 468 896 ლარი დაიხარჯება.

   დეპუტატების შეკითხვებს უპასუხა მერიის ინფრასტრუქტურის სამსახურის სპეციალისტმა, გიორგი ხაჟალიამ.