სამტრედიის მუნიციპალიტეტის მერიის ორგანიზებით სამტრედიაში სტარტი აიღო აგვისტოს ომში დაღუპულ გმირთა ხსოვნისადმი მიძღვნილმა ტურნირმა მინი-ფეხბურთში.

   ტურნირი ფლეიოფის სისტემით იმართება და მასში მონაწილეობას 13 გუნდი იღებს . ტურნირის ფინალური დაპირისპირება 8 აგვისტოს შედგება .

   ჩემპიონატის გახსნაზე ლაშა თევზაძის , მარლენ ბარამიას , ლევან მელქაძის და ავედიკ ლომიძის ოჯახის წევრები გახლდათ მოწვეულნი. დაღუპული გმირების შვილებს მერიამ გასართობ ცენტრ “ციცინათელას” ვაუჩერები გადასცა .

   ტურნირის გახსნას მუნიციპალიტეტის მერი ვალერი ფოცხვერია , მოადგილე დავით ბახტაძე და ადგილობრივი ხელისუფლების სხვა წარმომადგენლები ესწრებოდნენ.