დღეს სამტრედიის მუნიციპალიტეტში რიგგარეშე საკრებულოს სხდომა გაიმართა , რომელსაც საკრებულოს თავმჯდომარე ნუგზარ ჯამბურია უძღვებოდა.

   საკრებულოს წევრებმა დღის წესრიგით გათვალისწინებულ საკითხებს კენჭი უყარეს.

   პირველი საკითხი თებერვლის თვის ბიუჯეტის შესრულების ანალიზს დაეთმო, რომელიც საფინანსო- საბიუჯეტო საკითხთა კომისიის თავმჯდომარის მოვალეობის შემსრულებელმა გოჩა არველაძემ წარადგინა.

   მეორე საკითხი კი იურიდიული, ადამიანის უფლებათა დაცვის, საფინანსო და სამანდატო კომისიის თავმჯდომარემ მანანა სირბილაძემ წარადგინა, რომელიც საკრებულოში არსებულ კომისიების დებულებებში ცვლილებების შეტანასა და სამუშაო გეგმის დამტკიცებას შეეხო.