ერისთავის და წინსვლის ქუჩებზე ასფალტ-ბეტონის დასაგებად მოსამზადებელი სამუშაოები მიმდინარეობს.

   აღნიშნული სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტის ფარგლებში ფინანსდება და მას ტენდერში გამარჯვებული კომპანია ,,ინდიკო" ასრულებს.

   მიმდინარე სამუშაოებს ადგილზე აკვირდება მუნიციპალიტეტის მერი დავით ბახტაძე, მერის პირველი მოადგილე, ვლადიმერ ზაქრაძე და ინფრასტრუქტურის სამსახურის უფროსი ზურაბ გოგია. დავით ბახტაძე - ,,მუნიციპალიტეტის მასშტაბით აქტიურად მიმდინარეობს საგზაო ინფრასტრუქტურის მოწესრიგება. პირველ ეტაპზე დაახლოებით 35 კილომეტრი კაპიტალური გზის საფარი მოეწყობა. შემდეგ ეტაპზე, ამ მხრივ კიდევ უფრო მასშტაბური ღონისძიებები გატარდება."