არასამთავრობო ორგანიზაცია „საქართველოს დემოკრატიის სახლი“ ახორციელებს პროექტს „გენდერული თანასწორობის დამკვიდრების ხელშეწყობა“, რომლის ფარგლებში ორგანიზაციის ხელმძღვანელმა ირინა ქართველიშვილმა სემინარი ჩაატარა სამტრედიის მუნიციპალიტეტის გენდერული საკონსულტაციო საბჭოს წევრების, ადგილობრივი თვითმმართველობის წარმომადგენლებისა და საკითხით დაინტერესებული მოქალაქეებისთვის. 
   სემინარი შემდეგ თემებს მოიცავდა , გენდერის რაობა, როლები და სტერეოტიპები, ქალთა მიმართ ძალადობა ოჯახში, გენდერული დისკრიმინაცია შრომით ურთიერთობებში გადაწყვეტილების მიმღებ პოზიციებზე , ასევე მუნიციპალიტეტების გენდერული სტრატეგიისა და სამოქმედო გეგმის შედგენის ძირითად მიგნებებზე.