სამტრედიის მუნიციპალიტეტის 2023-2026 წლის საშუალოვადიანი განვითარების გეგმა
HOT LINE / ცხელი ხაზი
22-18-72
სოფელ ბაშში მოსახლეობის პროტესტს სამტრედიის მუნიციპალიტეტის მერია უყურადღებოდ არ ტოვებს. შეგახსენებთ, რამდენიმე დღის წინ სოფლის მცხოვრებლებმა გზის გადაკეტვა იმ პრობლემების გამო გადაწყვიტეს, რომლებიც მათ ინერტული მასალით დატვირთული, მძიმეწონიანი მანქანების გადაადგილებისას ექმნებათ. რომ არაფერი ითქვას გზის საფარის დაზიანებაზე, მტვრის ბუღი საფრთხეს უქმნის მოსახლეობის ჯანმრთელობას.
მუნიციპალიტეტის მერი ვალერი ფოცხვერია დღეს საგზაო დეპარტამენტის წარმოადგენელთან ბაქარ ბაბუხადიასთან და ადგილობრივი ხელისუფლების წარმომადგენლებთან ბაშელებს შეხვდა. მერის განმარტებით, აუცილებელია კომპანიები მეტი პასუხისმგებლობით მოეკიდონ დაკისრებულ მოვალეობებს და მაქსიმალურად გაითვალისწინონ მოსახლეობისა და მუნიციპალიტეტის პოზიციები.
საგზაო დეპარტამენტის წარმომადგენელმა ბაქარ ბაბუხადიამ მოსახლეობას ინფორმაცია მიაწოდა მიმდინარე სამუშაოებზე და დასძინა, რომ ბაშელების წინაშე არსებული პრობლემა მოგვარდება. საუბარია გზის იმ მონაკვეთის მორწყვაზე, რომელიც ინერტული მასალის გადატანისას მტვერდება და მოსახლეობას საფრთხეს უქმნის.