22 მარტს სამტრედიის მუნიციპალიტეტის მერმა , ადგილობრივი ხელისუფლების სხვა წარმომადგენლებთან ერთად მოინახულა ოფეთის №1 და №2 საჯარო სკოლები, ასევე წიაღუბნის საჯარო სკოლა. „ოფეთისა და წიაღუბნის საჯარო სკოლების მთავარ პრობლემას დღეისათვის წარმოადგენს მისასვლელი გზა და წყალი.

   შეიძლება ითქვას, რომ ინფრასტრუქტურა აქ მოწესრიგებულია, სკოლებში არის სწავლისთვის ყველანაირი პირობა. მალე დავიწყებთ მოპირკეთებას და ბეტონის გზის დაგებას მაღალმთიან სოფლებში.“– განაცხადა ვალერიანე ფოცხვერიამ.

   სამტრედიის ადგილობრივი ხელისუფლების წარმომადგენლებმა ასევე დაათვალიერეს წმ. ივლიტასა და კვირიკეს სახელობის ეკლესიის მშენებლობის პროცესი, სამტრედიის მერმა სიმბოლურად დარგო ხე.