განახლების რეჟიმი
სამტრედიის მუნიციპალიტეტი Municipality of Samtredia
საკრებულოს სამართლებრივი აქტები
ბრძანება / განკარგულება

booked.net
განცხადება


გაიმართება სამტრედიის მუნიციპალიტეტის საკრებულოს სხდომა

HOT LINE / ცხელი ხაზი
22-18-72

» » სამტრედიის საჯარო სკოლებში სასწავლო პროცესი დაიწყო
RDRC.GE
სამტრედიის საჯარო სკოლებში სასწავლო პროცესი დაიწყო
კატეგორია:  სიახლე

   სამტრედიის მუნიციპალიტეტის ყველა საჯარო სკოლაში დღეს სასწავლო პროცესი დაიწყო. თითქმის ყველა სკოლა ამ დღეს განსაკუთრებულად მომზადებული ხვდება. სტუმრიანობა იყო დღეს მე–10 საჯარო სკოლაში, სადაც მუნიციპალიტეტის გამგეობის წარმომადგენლები იმყოფებოდნენ. გამგებლის მოვალეობის შემსრულებელმა დავით ბახტაძემ პედკოლექტივს, მოსწავლებლებსა და მშობლებს წარმატებული და ნაყოფიერი წელი უსურვა.

   ორიგინალური და გამორჩეული იყო უფროსკლასელთა პროგრამა პირველი დღისთვის. როგორც სკოლის დირექტორმა თამარ თევზაძემ აღნიშნა, პედკოლექტივმა ღონისძიების მომზადებაში მოსწავლეებს სრული თავისუფლება მიანიჭა.

   „ჩვენმა უფროსკლასელებმა თავიანთი სურვილით დადგეს ყველა ნომერი, მოხარულები ვართ, რომ ასეთი ლამაზი დღე გამოვიდა“–განაცხადა თამარ თევზაძემ.

   მოსწავლეებმა დამსწრე საზოგადოებას ფოტოკოლაჟიც აჩვენეს, სადაც ფორმალური თუ არაფორმალური აქტივობები იყო ნაჩვენები . უფროსკლასელეთა ფლეშმობი ფერადი კვამლისა და მუსიკალური ნომრების ფონზე მიმდინარეობდა.

     ღონისძიებაზე პირველკლასელთა მისალმების შემდეგ ზარის ხმაც გაისმა. თითოეულ მათგანს მერხებზე განათლებისა და მეცნიერების სამინისტროს მიერ გადაცემული საჩუქარი, ნეთბუკები დახვდათ.

   მე–10 საჯარო სკოლამ წელს 16 პირველკლასელი მიიღო. კლასი ეთნიკურად მრავალფეროვანი არ არის. სკოლა აღჭურვილია პანდუსებითა და სპეციალური სასწავლო ოთახით შეზღუდული შესაძლებლობის მქონე ბავშთათვის. ცხრა სპეციალური საჭიროების მქონე მოსწავლე ინტეგრირებულნი არიან შესაბამის ასაკობრივ კლასებში და მათთან ორი სპეციალური მასწავლებელი აქტიურად მუშაობს.

   გარდა ამისა სამი მე–6–ე კლასელი ბიჭი წელს „კომაროვის“ სკოლაში ჩაირიცხა. სკოლა კიდევ ერთი მე–6–ე კლასელით ამაყობს, რომელიც განათლებისა და მეცნიერების სამინისტროს მიერ ჩატარებული პროექტით „გახდი ოლიმპიელი“ მათემატიკაში გამარჯვებული გახდა.

  • კომენტარი: 0
  • ნახვა: 1587