ქართული ფოლკლორის ფესტივალი
,,სამტრედიობის” კვირეულის ფარგლებში, მუნიციპალიტეტის მერის, დავით ბახტაძის მხარდაჭერითა და კულტურის სამსახურის ორგანიზებით დღეს ე. მანჯგალაძის კულტურის ცენტრმა ქართული ფოლკლორის ფესტივალს უმასპინძლა.
მგალობელ-მომღერალთა გუნდმა „მასპინძელი“, საქართველოს ფოლკლორის ცენტრის სამტრედიის სალოტბარო სკოლის მოსწავლეებმა, კულტურის ცენტრის ვაჟთა ანსამბლმა ,,სამტრედია“ და ქალთა ანსამბლმა „ათინათი” დღეს კიდევ ერთხელ აახმოვანეს ქართული ფოლკლორისა და საგალობელთა უნიკალური ნიმუშები.
