სხდომას ტრადიციულად მუიციპალიტეტის საკრებულოს თავმჯდომარე ნუგზარ ჯამბურია უძღვებოდა. 

   საკრებულოს გადაწყვეტილების თანახმად რუსთაველის ქუჩაზე № 8 –ში არსებული ფართი პირდაპირი განკარგვის წესით, უზურფუსტის ფორმით უსასყიდლოდ სარგებლობაში გადაეცემა საქართველოს წითელი ჯვრის საზოგადოების სამტრედიის ფილიალს.

   ცვლილება შევიდა საკრებულოს საფინანსო საბიუჯეტო კომისიაში. აღნიშნულ კომისიას დაემატა ქართული ოცნების წარმომადგენელი ბაია იმესაშვილი.

   2018 წლის 19 თებერვლის 38–19 განკარგულებაში შესული ცვლილებების თანახმად მუნიციპალიტეტის საკრებულოს სახელდებისა და სიმბოლიკის კომისია შემდეგი შემადგენლობით დამტკიცდა : დავით ბახტაძე, კობა ძიძიგური, მანანა სირბილაძე, გიორგი ლეჟავა, ჯონი ნადირაძე, თამაზ მურღულაი, ნინო შარაშენიძე, სოფიო კირთაძე, ლიზა კრავეიშვილი, ალექსანდრე თევზაძე, ზაზა ადეიშვილი, თამილა კეკელიძე.