დღეს სამტრედიის მუნიციპალიტეტის სამხატვრო სკოლა–გალერეაში კურსდამთავრებულთა შემაჯამებელი გამოფენა გაიმართა.

   სკოლა–გალერეაში ისწავლება ხატვა, ფერწერა, კომპოზიცია, ხატწერა, ფერთამცოდნეობა, გამოყენებითი ხელოვნება, დიზაინი, ქანდაკება–ძერწვა და ხელოვნების ისტორა. გამოფენაზე ყველა დისციპლინიდან იყო წარმოდგენილი ნამუშევრები. მონაწილე ბავშვებმა წარმატებებს მიაღწიეს უკვე ქვეყნის საზღვრებს გარეთაც, ისინი მიწვეულები იყვნენ თურქეთში.

   გამოფენას ესწრებოდნენ კულტურის, სპორტისა და განათლების სამსახურის უფროსი ნატალია მანჯგალაძე, პედაგოგები, მშობლები და მოწვეული სტუმრები. სამხატვრო სკოლა–გალერეის დირექტორმა ნინო ნინუამ მონაწილეებს სიგელები და საჩუქრები გადასცა და მომავალში წარმატებები უსურვა.