29 აგვისტოს სამტრედიის მუნიციპალიტეტის მერიის ორგანიზებითა და მხარდაჭერით, გომის ადმინისტრაციულ ერთეულში, სევერიან თევზაძის ხსოვნისადმი მიძღვნილი საფეხბურთო ტურნირის ფინალური მატჩი ჩატარდა.

   ფინალური შეხვედრა გომისა და მთისძირის გუნდებს შორის გაიმართა. გამარჯვება გომის გუნდმა მოიპოვა, ანგარიშით 4:3. ტურნირის საუკეთესო ფეხბურთელად ლომგული წითელაშვილი დასახელდა, საუკეთესო მეკარედ კი ომარ ამაღლობელი. გამარჯვებულებს გადაეცათ საპრიზო თასები.

   გომში გამართულ საფეხბურთო შეხვედრას ესწრებოდნენ სამტრედიის მუნიციპალიტეტის მერი ვალერიანე ფოცხვერია, მერის მოადგილე დავით ბახტაძე და ადგილობრივი ხელისუფლების წარმომადგენლები. აღსანიშნავია, რომ ტურნირი გომის ადმინისტრაციულ ერთეულში 2002 წლიდან ტრადიციულად ტარდება.