ხანდაზმულთა საერთაშორისო კვირეულის ფარგლებში საქართველოს წითელი ჯვრის საზოგადოების სამტრედიის ფილიალის ინიციატივითა და სამტრედიის მუნიციპალიტეტის მერიის მხარდაჭერით ჩატარდა სოციალური ღონისძიება.

   წითელი ჯვრის ახალგაზრდა მოხალისეებმა სასურსათო და ჰიგიენური ამანათები გადასცეს სამტრედიის წმინდა მოწამე ქეთევანის სახელობის სათნოების სახლის ბენეფიციარებს და ასევე წარმოადინეს რამდენიმე მუსიკალური ნომერი.

   ღონისძიებას ესწრებოდნენ სამტრედიის მუნიციპალიტეტის მერი ვალერიანე ფოცხვერია და მერის მოადგილე დავით ბახტაძე. მათ ჯანმრთელობა უსურვეს სათნოების სახლის მაცხოვრებლებს.