სამტრედიის მუნიციპალიტეტის სოფელ ნაბაკევში ახლადგახსნილი საბავშვო ბაგა-ბაღი დღეს მუნიციპალიტეტის მერმა, ვალერი ფოცხვერიამ, მაჟორიტარმა დეპუტატმა, გრიგოლ მიქელაძემ და ადგილობრივი ხელისუფლების სხვა წარმომადგენლებმა დაათვალიერეს.

   შენობა, რომელსაც სრული რეაბილიტაცია 2018 წელს ჩაუტარდა, 60-მდე აღსაზრდელზეა გათვლილი.

   როგორც მუნიციპალიტეტის მერმა აღნიშნა, ,,ბაგა-ბაღში საუკეთესო პირობებია შექმნილი სააღმზრდელო პროცესისთვის".