გიდების პროფესიული უნარებისა და კვალიფიკაციის ამაღლება
იმერეთის რეგიონში მოღვაწე გიდების პროფესიული უნარებისა და კვალიფიკაციის ამაღლების მიზნით, DMO იმერეთი პერიოდულად აორგანიზებს თემატურ საჯარო ლექციებს სხვადასხვა მუნიციპალიტეტებში.
ამჯერად, დიდ ჯიხაიშში, ნიკო ნიკოლაძის სახლ-მუზეუმში, დიდი ქართველი საზოგადო მოღვაწის, პოლიტიკოსისა და პუბლიცისტის ცხოვრებისა და მოღვაწეობის შესახებ საჯარო ლექციას “ამბები ნიკო ნიკოლაძეზე” გაუძღვა საქართველოს შოთა რუსთაველის სახელობის თეატრალური უნივერსიტეტის პროფესორი და ცნობილი წამყვანი ნიკა წულუკიძე.
საჯარო ლექციის მსმენელებს შეხვდა სამტრედიის მუნიციპალიტეტის მერი დავით ბახტაძე, რომელმაც სამტრედიის ტურისტულ რესურსებსა და პერსპექტივებზე ისაუბრა. მუზეუმის სტუმრებს გიდობა გაუწია ნიკო ნიკოლაძის სახლ-მუზეუმის დირექტორმა გიორგი ფანცულაიამ.
