დღეს სამტრედიის მუნიციპალიტეტის საკრებულოს სხდომათა დარბაზში ნატოსა და ევროკავშირის შესახებ საინფორმაციო კამპანია ჩატარდა.

   სტუმრად იმყოფებოდნენ საგარეო საქმეთა სამინისტროს სტრატეგიული კომუნიკაციების დეპარტამენტის უფროსი თორნიკე ნოზაძე და სსიპ საინფორმაციო ცენტრი ნატოსა და ევროკავშირის შესახებ იმერეთის რეგიონის კოორდინატორი მარიკა ვაჭარაძე.

   შეხვედრაზე მოსახლეობას მიაწოდეს ინფორმაცია უვიზო მიმოსვლის წესების შესახებ და ასევე ისაუბრეს წესების დარღვევის შემთხვევაში შესაძლო საფრთხეებზე. შეხვედრები ნატოსა და ევროკავშირის შესახებ საინფორმაციო ცენტრის ორგანიზებით, საგარეო საქმეთა სამინისტროსთან თანამშრომლობითა და სამოქალაქო სექტორის ჩართულობით ხორციელდება.