სამტრედიის მუნიციპალიტეტში შეზღუდული შესაძლებლობის მქონე პირთა საკითხებზე მომუშავე საბჭოს პირველი შეხვედრა გაიმართა. საბჭოს თავმჯდომარემ დავით ბახტაძემ, თავმჯდომარის მოადგილესთან ლევან ახობაძესთან ერთად სხვადასხვა სამსახურების წარმომადგენლებსა და მოწვეულ სტუმრებს სამომავლო გეგმები გააცნო.

   საბჭოს მიზანს წარმოადგენს შეზღუდული შესაძლებლობების მქონე პირების ინტეგრირება საზოგადოებაში და მათი სოციუმში სრულყოფილი ადაპტაცია. ბაზების შექმნასთან ერთად მნიშვნელოვან საკითხს წარმოადგენს სრულწლოვან შშმ პირთა მდგომარეობა.

   როგორც სამტრედიის მუნიციპალიტეტის მერის მოადგილემ დავით ბახტაძემ აღნიშნა „შეზღუდული შესაძლებლობები არ არსებობს, და ჩვენ ერთად უნდა შევქმნათ შესაბამისი გარემო, რათა შეზღუდულ შესაძლებლობათა მქონე პირები იყვნენ საზოგადოების სრულყოფილი წევრები“.