სამტრედიის რაიონული პროკურორის მალხაზ გეწაძის ინიციატივით ადგიოლობრივი საბჭო შეიქმნა, რომელშიც ჩართულია, როგორც სამთავრობო ასევე არასამთავრობო სექტორის წარმომადგენლები და მოქალაქეები.

   საბჭოს მიზანს წარმოადგენს დანაშაულის ჩადენის პრევენცია, ანტისოციალური ქცევის მქონე არასრულწლოვნების ჩართვა სხვადსხვა სპორტულ და საგანმანათლებლო აქტივობებში. საბჭოს მიერ მოხდება რეგიონისთვის აქტუალური, პრობლემური დანაშაულების იდენტიფიცირება.

   შეხვედრაზე მალხაზ გეწაძემ ისაუბრა სამომავლო გეგმებზე. ,, ადგილობრივი საბჭოს წევრები შეიკრიბებიან წელიწადში ორჯერ, მოხდება პრობლემების იდენტიფიცირება, დაიგეგმება ერთობლივი პრევენციული ღონისძიებები“ –განაცხადა პროკურორმა.