დღეს სამტრედიის მუნიციპალიტეტის მერმა ვალერიანე ფოცხვერიამ სასწავლო წლის დაწყება მიულოცა სრულიად საქართველოს და სამტრედიის მუნიციპალიტეტში მცხოვრებ მოსწავლეებს, მასწავლებლებსა და მათ მშობლებს.

   მუნიციპალიტეტის მერი ტრადიციულად თავის მშობლიურ, ეწერის საჯარო სკოლას ესტუმრა. ვალერიანე ფოცხვერია 2018-2019 სასწავლო წლის საზეიმოდ გახსნის ცერემონიას დაესწრო და კიდევ ერთხელ აღნიშნა, რომ განათლება საქართველოში არის პრიორიტეტი.

   მუნიციპალიტეტის მერმა საკრებულოს თავმჯდომარე ნუგზარ ჯამბურიასთან ერთად დაბა კულაშის საჯარო სკოლაში მიმდინარე სარეაბილიტაციო სამუშაოები დაათვალიერა და ახალი სასწავლო წლის დაწყება მოსწავლეებსა და პედაგოგებს მიულოცა.