ბეტონის კაპიტალური გზის მოწყობა მიმდინარეობს
გორმაღალის საწვიმის უბანში ბეტონის კაპიტალური გზის მოწყობა მიმდინარეობს.
გორმაღალის საწვიმის უბანში ბეტონის კაპიტალური გზის მოწყობის პირველი ეტაპი აქტიურად მიმდინარეობს. მიუხედავად რთული რელიეფური პირობებისა, სამუშაოები შეუფერხებლად და წარმატებით ხორციელდება. პროცედურების დასრულებისთანავე დაგეგმილია დარჩენილი მონაკვეთის მოწყობის დაწყება.
სამუშაოების მიმდინარეობას ადგილზე გაეცნენ სამტრედიის მუნიციპალიტეტის მერი დავით ბახტაძე, ზედამხედველობის სამსახურის უფროსი ამირან თევდორაძე, გორმაღალში მერის წარმომადგენელი ხათუნა ლებანიძე და ადგილობრივი თვითმმართველობის სხვა წარმომადგენლები. მათ პირადად დაათვალიერეს სამუშაოების მიმდინარეობა და ადგილობრივ მოსახლეობასაც გაესაუბრნენ.
როგორც მაცხოვრებლები აცხადებენ, აღნიშნულ უბანში კაპიტალური გზა აქამდე არასდროს ყოფილა მოწყობილი, რის გამოც პროექტს მათთვის განსაკუთრებული მნიშვნელობა აქვს.
„წლების განმავლობაში ეს გზა მხოლოდ ოცნება იყო. დღეს კი ის რეალობად იქცა და ჩვენი მომავალი თაობისთვის ბევრად უკეთესი პირობები იქმნება,“ — აცხადებენ ადგილობრივები.
სამუშაოების დასრულების შემდეგ საგრძნობლად გაუმჯობესდება გადაადგილება, უსაფრთხოება და ზოგადად საცხოვრებელი გარემო გორმაღალის საწვიმის უბანში.
